Бойсун туманида тадбиркорлар билан очиқ мулоқот бўлиб ўтди.

Ушбу очиқ мулоқотда Республика Президент Администратсияси шўба мудири Дилшод Абдуазизов, вилоят Бизнес-Омбудсман раҳбари Шавкат Яхшиқулов, туман ҳокими Баҳодир Шукуров ва бошқа масъул идоралар вакиллари  ҳамда тумандаги тадбиркорлар иштирок этди.

Очиқ мулоқот давомида тадбиркорлик фаолиятини ривожлантиришга тўсқинлик қилаётган муаммолар ва уларни ҳал қилиш йўллари атрофлича муҳокама қилинди. Шунингдек, билдирилган мурожаатлар асосида ҳар бир масала юзасидан мутасаддиларга аниқ топшириқлар бериш орқали уларнинг ижросини таъминлаш чоралари кўрилди.