Бойсун туманида маҳалла фуқаролар йиғинларида аҳолини қийнаб келаётган муаммоларни бартараф этиш, уларга қулайликлар яратиш борасидаги ишлар давом этмоқда.

Айниқса кўп йиллардан буён қишда лой, ёзда чанг бўлган тупроқ кўчаларни тошлаш, равон, текис йўлларга айлантириш ҳамда эски электр таянч устунлари ва симлари ўрнига янгиларини алмаштириш бўйича салмоқли ишлар амалга оширилмоқда.

Жумладан, Бойсун тумани марказидан 45 км олис ҳудудда жойлашган Ўрта Мачай маҳалласига қарашли Хўжадияк қишлоғининг 2 км ички йўлларида туман йўллардан фойдаланиш корхонаси давлат муассасаси томонидан асфалтлаш ишлари олиб борилди.