Бугун Бойсун туманидаги марказий Алпомиш ўйингоҳида футбол фестивали ўтказилди.

Ушбу фестивалда тумандаги умумтаълим мактаблари жисмоний тарбия ўқитувчилари ўртасида футбол ўйини ҳамда Бойсун ФК-Шеробод ФК ўртасида ўртоқлик учрашуви бўлиб ўтди.

Ўртоқлик учрашувида Бойсун ФК жамоаси меҳмонлар дарвозасига 2 та гол уриб, ғолиб бўлишди. Шунингдек Футбол байрамига тумандаги мутасадди раҳбарлар ҳамда Кураш бўйича Жаҳон чемпиони, бир неча бор Олимпиада ўйинлари ғолиби Бойсуннинг фахри ва алп ўғлони Абдулла Тангриев иштирок этиб жамоаларга омад тилади.

Ўйин сўнгида мухлислар учун чиройли ўйин кўрсатганлиги учун туман ҳокими А.Жўраев Бойсун ФК-Шеробод ФК жамоалари йигитларига ўз миннатдорчилигини билдирди.