Президентнинг Фуқаролар ҳуқуқларини ҳимоя қилиш ва мурожаатлар билан ишлаш масалалари бўйича маслаҳатчиси бошчилигидаги ишчи гуруҳи таркибидан ўрин олган Халқ қабулхоналари, Вазирлар Маҳкамаси, Олий суд, Судьялар олий кенгаши, Бош прокуратура, ўттизга яқин вазирлик, қўмита ва ташкилотлар раҳбарлари аҳоли мурожаатларини тегишлилиги бўйича қабул қилишмоқда.

Мурожаатларда кўтарилаётган ҳар бир масала масъуллар иштирокида батафсил тингланиб, муаммоларга ечим изланмоқда.

Қилинган мурожаатларнинг бир қанчаси шу ернинг ўзида ижобий ҳал этиб берилди. Айрим мурожаатлар қўшимча ўрганиш талаб этганлиги боис, муддатлар белгиланиб, масъулларга йўналтирилмоқда.