Жорий йилнинг 7-8 май кунлари Бойсун туманидаги Паданг кенликларида бўлиб ўтадиган “Бойсун баҳори” халқаро фолклор фестивалига қизғин ҳозирлик кўрилмоқда.

Бугун тадбирга тайёргарлик кўриш ва ҳудудда олиб борилаётган ишлар билан яқиндан танишиш мақсадида Оʻзбекистон Республикаси Бош вазирининг оʻринбосари –туризм ва маданий мерос вазири Азиз Абдуҳакимов Бойсун туманига ташриф буюрди.

Шунингдек республикадан ташриф буюрган режиссёрлар, рассомлар, балетмейстрлар, дизайнерлар, вилоят ҳокими ўринбосарлари, вилоят бошқармалари раҳбарлари, туманлардан ташриф буюрган ҳоким ўринбосарлари иштирокида, тадбирга тайёргарлик кўриш ва юқори савияда ўтказиш билан боғлиқ масалада тақдимот бўлиб ўтди.