Ўзбекистон Республикаси Қуролли Кучлари ташкил этилганлигининг 33 йиллиги ҳамда Ватан ҳимоячилари куни муносабати билан тумандаги Маданият марказида маънавий-маърифий тадбир ташкил этилди.

 Тадбирда Бойсун тумани ҳокими Баҳодир Шукуров иштирок этиб, туманимиз аҳли ҳамда тадбир иштирокчиларини самимий қутлади.

Ўзбекистон Қуролли Кучлари ўтган тарихан қисқа даврда мураккаб шаклланиш йўлини босиб ўтди ва бугунги кунда сон жиҳатдан ихчам, ҳаракатчан, замонавий талабларга жавоб берадиган, яхши тайёргарликка эга бўлган армия сифатида ўзини намоён этмоқда.

 Бугунги кунда армиямиз нафақат Ватанимиз чегараларини, халқимизнинг тинч ва осойишта ҳаётини ҳимоя қилмоқда, айни пайтда у ҳарбийларимизда мустаҳкам ирода ва феъл-атвор, мустақил фикрлаш қобилияти шаклланадиган, жисмоний чиниқиш ва юксак инсоний фазилатлар камол топадиган ҳақиқий ҳаёт мактабига айланди. Муддатли ҳарбий хизматга чақирув чоғида чақирилувчиларнинг соғлиги, билим ва кўникмалари, дунёқараши синовдан ўтказилаётгани Қуролли Кучларимиз нуфузи ва қудратини янада оширишда муҳим омил бўлмоқда.

  Шунингдек тадбирда санъаткорларнинг куй қўшиқлари, ёш ҳарбийларнинг саҳнавий чиқишлари тадбир қатнашувчиларида ўзгача кайфият улашди.