Бойсун туманида Янги йил байрами тадбирлари давом этмоқда

Бойсун туманидаги Маданият марказида болажонлар учун байрам тадбирларининг навбатдагиси ўтказилди. Унда Бойсун тумани ҳокимининг ўринбосари Абдулфаттох Ҳусанов туман аҳлини ва тадбир иштирокчиларини ҳамда байрамнинг ҳақиқий эгалари бўлган болажонларни кириб келаётган 2025-йил, Янги йил байрами билан табриклади.

Шундан сўнг, 200 га яқин болажонларга туман ҳокимлигининг байрам совғалари тантанали топширишди.

Туман маданият бўлими ва Болалар мусиқа ва санъат мактаби санъаткорлари томонидан намойиш этилган “Янги йил эртаги” байрамона концерт дастури болажонларимиз ва йиғилганларга байрам қувончини улашди.

Туман бўйлаб байрам тадбирлари кўтаринки кайфиятда давом этмоқда.