Бугун Сурхондарё вилояти ҳокими Улуғбек Қосимов ҳудудий студиялар орқали ижтимоий реестрга киритилган оилалар фарзандлари учун ташкил этилган байрам тадбирида иштирок этиб, болаларни табриклади. Хусусан, ушбу тадбирда Бойсун тумани студияси орқали камбағалликни қисқартириш дастурига киритилган оилаларнинг 100 га яқин фарзандлари иштирок этди.

Унда Бойсун тумани ҳокимининг биринчи ўринбосари Юсуф Жўраев, туман ҳокимининг соҳалар бўйича ўринбосарлари ҳамда ташкилот ва муассаса раҳбарлари иштирок этиб, болажонлар ва тадбир иштирокчиларини кириб келаётган Янги йил байрами билан табриклади ҳамда уларга байрам совғаларини топширди.

Шунингдек, болажонлар учун туман Маданият бўлими ҳамда эртак қаҳрамонлари иштирокида концерт дастури намойиш этилди.