Бойсун тумани ИИБ ходимлари ва оила аъзолари иштирокида хизмат интизомини мустаҳкамлашга бағишланган йиғилиш бўлиб ўтди.

 Бугун Сурхондарё вилояти ИИБ бошлиғи ўринбосари, Маънавий-маърифий ишлар ва кадрлар билан таъминлаш хизмати бошлиғи ўринбосари майор Пардаев Ҳусан Нурматович ҳамда ИИВ Шахсий хавфсизлик бош бошқармаси Сурхондарё вилояти бўйича бошқармаси масъул ходими майор Жумаев Сардор Абдихолиқович иштирокида йиғилиш ўтказилди.

Мазкур йиғилишда

2024-йилнинг 20-ноябр кунидан 30-декабр кунига қадар хизмат интизоми ва қонунийликни мустаҳкамлашга қаратилган “Долзарб қирқ кунлик” профилактик тадбирлари давомида мавжуд куч воситалардан оқилона фойдаланган ҳолда ички ишлар органларида “темир интизом”ни йўлга қўйиш ва қонунийликни таъминлаш борасидаги натижаларни яхшилаш, ички ишлар органларида коррупсияга қарши курашиш ва коррупсиявий ҳолатларни барвақт олдини олиш тизими самарадорлигини ошириш, ушбу жараёнга жамоатчиликни кенг жалб этиш ҳамда коррупсияга нисбатан муросасиз муносабатда бўлиш муҳитини шакллантириш, шахсий таркибни кунлик хизматга келиб кетиши, авторейд ўтказиш, яшаш шароитларини ўрганиб ижтимоий ҳимояга муҳтож ходимларни аниқлаш борасида қатор ишлар амалга оширилаётганлиги юзасидан маъруза қилинди.

Шундан сўнг йиғилишда ходимларнинг касбига бўлган садоқатини, масъулиятини ошириш мақсадида, жорий йилнинг иккинчи ярмида вилоят ИИБ ходимлари иштирокида содир этилган ҳолатлар акс этган “Хиёнат ва ҳалоллик” номли видео ролик намойиш этилиб, келгусида ходимлар томонидан содир этилиши мумкин бўлган қонунбузилишларни олдини олишга барча бирдек масъул эканлиги таъкидланди.

 Шунингдек, йиғилиш сўнгида хизмат фаолияти давомида юқори натижаларга эришиб, хизмат фаолияти давомида намуна кўрсатиб келаётган ходимларнинг ота-оналарига вилоят ИИБ бошлиғининг ташаккурномаси ҳамда эсдалик совғалари топширилди.