Бугун Бойсун туманидаги 39-мактабда “Зўравонликдан ҳоли мактаб” ойлиги доирасида “Биз зўравонликка қаршимиз” шиори остида семинар тренинг ташкил этилди.

Ушбу семинар тренингда Республика маънавият ва маърифат маркази Бойсун тумани бўлими, туман прокуратураси, миллий гвардия туман бўлинмаси, мактабгача ва мактаб таълими бўлими ходимлари ҳамда мактаб психологлари иштирок этишди.

Семинар давомида зўравонлик ва унинг турлари, келиб чиқиш сабаблари ҳамда унинг олдини олиш бўйича маълумотлар бериб ўтилди.

Семинар якунида зўравонликдан ҳоли оила мавзусида видеоролик, ўқувчилар томонидан саҳна кўринишлари ҳамда тадбирни кўтаринки руҳда ўтказиш мақсадида мактаб психологлари иштирокида қизиқарли психологик ўйинлар ўтказилди.