Бугун Сурхондарё вилояти ҳокимлиги, Туризм қўмитаси ҳамда Бойсун тумани ҳокимлиги ҳамкорлигида “Олма сайли” фестивали ўтказилди.

Унда тумандаги барча маҳалла ва олма етиштирувчи деҳқон фермерлар о'зларига ажратилган қўрғонларда Бойсун туманида етиштирилган олма кўргазмалари билан қатнашдилар.

Сайилга ташриф буюрган меҳмонлар туманда етиштирилган олма турлари, олмадан тайёрланадиган маҳсулотлар шунингдек, етиштириладиган олмаларнинг экспорт салоҳияти, олма мевасининг инсон учун фойдали жиҳатлари ва хусусиятлари ҳақида маълумотларга эга бўлдилар.

Сайил якунида Туризм қўмитаси томонидан Омонхона қишлоғига туризм қишлоғи мақомини берилганлиги ҳақидаги сертификат тантанали топширилди.