Халқимизда “Эл соғлиги — юрт бойлиги”, деган нақл бежизга айтилмаган.

Бу ҳикмат замирида катта маъно мужассам. Зеро, ҳар бир инсон ўз мақсадига эришиши учун энг аввало, ҳар томонлама соғлом бўлиши лозим. Инсон қачон соғлом бўлади, қачонки сифатли тиббий хизматдан фойдаланса.

Президентимиз бошчилигида ўтган беш йилда аҳолини сифатли ва малакали тиббий хизмат билан таъминлаш, соғлом турмуш тарзини кенг қарор топтириш борасида салмоқли ишлар қилинди.

Бу борада Бойсун туманида ҳам кенг кўламли ишлар амалга оширилди. Жумладан, тумандаги марказий шифохонаси ва чекка ва олис ҳудудларда жойлашган тиббиёт масканлари замонавий тиббиёт ускуналари билан жиҳозланиб, шифокорлар томонидан аҳоли учун сифатли хизмат кўрсатиб келинмоқда.

Ана шундай ислоҳотлар натижасида олис ҳудудларда ҳам тиббиёт масканлари қурилиб, аҳолилига хизмат кўрсатиш мақсадида фойдаланишга топширилмоқда.

Мамлакатимиз мустақиллигининг 33 йиллик байрами арафасида Бойсун туманидаги Даштиғоз маҳалласида 100 ўринга мўлжалланган янги бино қуриб фойдаланишга топширилди.

Тадбирни туман ҳокими Баҳодир Шукуров очиб берди ва тадбир иштирокчиларни мустақиллигимизнинг 33 йиллик байрами ҳамда янги бино билан самимий муборакбод этди.