Бугун Бойсун тумани Мустақиллик маҳалласида жойлашган Ёшлар истироҳат боғида Наврўз умумхалқ байрами шодиёналари бўлиб ўтди.

Тонг саҳарлаб дошқозонларда сумалак, ҳалим, ошлар, холвалар пиширилиб тумандаги нуроний отахон онахонлар ташриф буюришиб, халқимиз, юртимиз тинчлиги, осойишталиги, йилимизни яхши келишию, бозорларимизга тўкин сочинлик, бобо деҳқоннинг даласию хирмонига баракалар тилашиб қўлларини дуога очишди.

Шундан сўнг байрам шодиёналари бошланиб туман ҳокими А.Жўраев туман аҳолисини янгиланиш ва яшариш байрами Наврўз айёми билан тантанали равишда муборакбод этди! 

Байрам шодиёналари давомида ўтовларда тумандаги ташкилот корхоналар томонидан миллий рақслар, миллий таомлар кўргазмали чиқишлар ташкил этилди.

Спортнинг миллий кураш, футбол турлари бўйича мусобақалар ташкил этилиб, ғолиблар қимматбаҳо совғалар билан тақдирланди.

Байрам шодиёнасида тумандаги фольклор жамоалар, эстрада хонандаларнинг куй қўшиқлари, рақслари туман аҳолисига ўзгача кайфият бағишлади.