Ҳар бир фаслнинг ўзига хос таровати ва гўзаллиги бор. Лекин ёзнинг гашти ўзгача. Айниқса, болажонлар учун интиқ кутиладиган бу ғаройиб фаслнинг унутилмас кечинмалари уларга бир дунё ҳайрат ва ҳаяжон бағишлайди.

Юртимизда ёшларни билимли, зукко шу билан бирга соғлом вояга етиши учун барча шароитлар яратилмоқда. Ёзнинг жазирама иссиқ кунларида соя-салқин оромгоҳларда болажонларимиз яйраб ҳордиқ чиқаришмоқда.

Хусусан, Шеробод туманидаги “Бешбулоқ” болалар соғломлаштириш оромгоҳида Бойсун туманидаги ташкилот, корхона ва муассасалар ходимларининг  115 нафар ўғил қизлари бўш вақтларини кўнгилли ўтказишмоқда.

Куни кеча ушбу масканда Бойсун тумани ҳокимлиги, Бойсун тумани касаба уюшмалари бирлашмаси раиси, Давлат муассасалари ва жамоат хизмати ходимлари касаба уюшмаси Бойсун тумани Кенгаши, Фан ва таълим ходимлари касаба уюшмаси Бойсун тумани Кенгаши, Соғлиқни сақлаш ходимлари касаба уюшмаси Бойсун тумани Кенгаши раислари ташаббуси билан туман маданият бўлими томонидан маданий кўнгилочар тадбирлар ташкил этилди.