Ёш оилаларнинг интилишларини қўллаб-қувватлаш, китобхонликни мамлакатимиз бўйлаб кўникмага айлантириш, жойларда адабий муҳит яратиш мақсадида Бойсун туманида Беш ташаббус олимпиадаси доирасида "Ёш китобхон оила" танловининг туман босқичи бўлиб ўтди.

Ушбу танлов, Президентнинг беш муҳим ташаббуси доирасида ёш оилаларни қўллаб-қувватлаш, уларнинг маънавий-интеллектуал салоҳияти ва дунёқарашини юксалтириш, улар орасида китобхонликни кенг тарғиб қилиш мақсадида ташкил этилмоқда.

  Танловдан кўзланган асосий мақсад ёш оилаларни китоб ўқишга чорлаш ҳамда келажакда зиёли оилалар сонини кўпайтириш ва ёш оилаларнинг интилишларини қўллаб-қувватлаш, жойларда адабий муҳит шаклланишига эришиш, ёшлар онгида Ватанимиз тарихи, миллий ва умуминсоний қадриятлар, ижтимоий ҳаёт ҳақидаги тушунча ва билим-кўникмаларини янада юксалтиришдан иборат.

Шунингдек, танлов тест шаклида ўтказилиб, ғолиблар сараланди ва уларга диплом, вилоят босқичига йўлланма ҳамда китоблар жамланмаси топширилди.