1-июн Халқаро болаларни ҳимоя қилиш куни муносабати билан Бойсун туманида “Мафтункор ранглар жилоси” расмлар танлови ва спортнинг шахмат тури бўйича туман босқичи мусобақаси ўтказилди.

Ногиронлиги бўлган болаларга нисбатан кўриладиган барча ҳаракатларда уларни ҳар томонлама ва уйғун камол топтириш мақсадида манфаатларининг устуворлиги, ижтимоий фаолиятини, меҳнат қилишга бўлган қизиқишини, таълим, илм-фан, техника, санъат ва спорт билан шуғулланишини қўллаб-қувватлашга кўмаклашиш устувор вазифалардан бири ҳисобланади.

1-июн Халқаро болаларни ҳимоя қилиш куни муносабати билан бугун Бойсун туманидаги 13-сон умумтаълим мактабида ногиронлиги бўлган 7-17 ёшгача бўлган болалар ўртасида “Мафтункор ранглар жилоси” танлови ва спортнинг шахмат тури бўйича туман босқичи мусобақаси ўтказилди.

Ташкил этилган ушбу тадбирда Ногиронлар жамияти туман бўлинмаси, Республика маънавият ва маърифат маркази туман бўлинмаси, "Инсон" ижтимоий хизматлар маркази ҳамда мактабгача ва мактаб таълими бўлими ходимлари иштирок этишди.

Танловда 7-17 ёшгача ногиронлиги бўлган ўғил қизлар ҳамда уларнинг ота оналари иштирок этишиб, қизғин кечган танлов ва мусобақа якунига кўра ғолиблар эсдалик совғалари, диплом ҳамда пул мукофотлари билан тақдирландилар.

Танлов якунида иштирокчилар учун дастурхон ёзилиб, санъаткорлар томонидан куй қўшиқлар ижро этилди.