Бойсун туманидаги 57-сон умумтаълим мактабида Ўзбекистон “Миллий тикланиш демократик партияси" Сурхондарё вилояти Кенгаши, Республика маънавият ва маърифат туман бўлинмаси, туман мактабгача ва мактаб та'лими бўлими ҳамкорлигида “Жадидлар-янги ҳаёт куйчилари” мавзусида маънавий-маърифий тадбир ташкил этилди.

Тадбирда  Ўзбекистон “Миллий тикланиш демократик партияси" Сурхондарё вилояти Кенгаши раиси ўринбосари, партиянинг туман Кенгаши раиси ва фаоллари, Республика маънавият ва маърифат туман бўлинмаси раҳбари, туман мактабгача ва мактаб та'лими бўлими ходимлари, вилоят ҳамда туман фан ва таълим касаба уюшмаси Кенгаши ходимлари, тумандаги умумтаълим мактабларининг маънавий-маърифий ишлар бўйича директор ўринбосарлари, она тили ва адабиёт фани ўқитувчилари, ота-оналар ва ўқитувчилар иштирок этдилар.

Тадбирни ўтказишдан асосий кўзланган мақсад, мактабнинг маънавият сектори иш режасида белгиланган вазифалар ижросини таъминлаш, ўқувчи ёшларни ватанпарварлик, миллий қадриятларга, урф одат ва ўзбек тилимиз, адабиётимизга бўлган муҳаббатини ошириш, қолаверса жадид адабиёти намоёндаларини ижодини ўрганиш, улар томонидан амалга оширилган буюк ишлар, уларни ўзбек тили ва адабиёти ривожига қўшган ҳиссаси тўғрисида маълумот беришдан иборат.

Тадбир давомида ўқувчи ёшлар томонидан тайёрланган саҳна кўринишлар, бадиий чиқишлар орқали жадидлар ҳаёти ва ижодларини намойиш этдилар.

Тадбир якунида фаол ўқитувчилар ва ўқувчилар Ўзбекистон “Миллий тикланиш демократик партияси" Сурхондарё вилояти Кенгаши ва туман мактабгача ва мактаб та'лими бўлимининг фахрий ёрлиқлари, ташаккурномаси ҳамда эсдалик совғалари билан тақдирландилар