Тошкент давлат шарқшунослик университети Шарқ мамлакатлари иқтисодиёти, сиёсати ва туризм факултети декани Чори Хусанов бошчилигида университетнинг иқтидорли ва жамоатчи талабалари, университетга бириктирилган Бойсун туманида жойлашган 6-умум таълим мактабига битирувчи синф ўқувчилари билан суҳбат ўтказиш учун ташриф буюришди.

Суҳбат давомида Чори Хусанов университетнинг фаолияти, таълим йўналишлари, университетда талабаларнинг таълим олишига яратилган шарт-шароитлар ҳақида батафсил маълумот берди.

Университет Ёшлар етакчиси Комилжон Суяров университет талабаларининг ижтимоий фаоллиги, университет томонидан ўтказиладиган маънавий-маърифий тадбирлар, фестиваллар, кўрик танловлар ҳамда талабаларни моддий рағбатлантириш шунингдек, ижтимоий ҳимояга муҳтож талабаларни моддий қўллаб-қувватлаш масалалари ҳақида тўхталиб ўтди.

Университетнинг Президент стипендияси соҳибаси Садоқат Ҳабибуллаева эса Огаҳий номидаги махсус стипендия, Ўзбекистон Республикаси Президенти ва номли давлат стипендияларига эришиш учун талабалар қайси жиҳатларга эътибор қаратиши лозимлиги ҳақида ўқувчиларга ўз тажрибалари билан ўртоқлашди.

Ушбу тадбир ўқувчи ёшларга кўтаринки руҳ бағишлади ҳамда ўқувчилар ўзларини қизиқтирган саволларига жавоб олишди.