Бойсун туманидаги 2-сонли касб-ҳунар мактабида тумандаги умумтаълим мактаблари ўқувчи-ёшлари ўртасида "Ёш қутқарувчи " мусобақасининг туман босқичи бўлиб ўтди.

 Фавқулодда вазиятлар бўлими, Ёшлар ишлари агентлиги, мактабгача ва мактаб таълими бўлими ҳамда бир қатор манфаатдор ташкилотлар ҳамкорлигида ўтказилаётган мусобақага қизиқиш йил сайин ошмоқда. Туман босқичида иштирок этган “Ёш қутқарувчи” кўнгиллилар клублари аъзолари фавқулодда вазиятларда тўғри ҳаракат қилиш, бошқаларга кўмак бериш борасидаги билим ва кўникмаларини ошириш имконига эга бўлди.

 Ёшлар онгида она юртга садоқат, меҳр-муҳаббат ва инсонпарварлик туйғуларини мустаҳкамлаш, муносиб фарзандларни вояга етказиш, қолаверса, турли фавқулодда вазиятларнинг олдини олиш, экстремал вазиятларда жисмоний ҳамда руҳий тайёргарликни маромига етказиш каби мақсадларни кўзлаган тадбир ҳаяжонли лаҳзаларга бой бўлди.  Жамоалар белгиланган шартлар бўйича баҳслашиб, уларнинг билим ва малакаси ҳакамлар ҳайъати томонидан баҳолаб борилди.

 Мусобақада “Энг яхши ташкил этилган кўргазма”, “Энг яхши қутқарувчи”, “Энг ҳамжиҳат жамоа”, “Энг билимдон жамоа” каби номинатсиялар бўйича ғолиблар аниқланади.  

 Иштирокчилар соҳага доир билими, фуқаро муҳофазаси ва тезкор тиббий ёрдам кўрсатиш, дарёдан арқон ёрдамида ўтиш, чодир ўрнатиш, фавқулодда вазиятларда ҳаракат қилиш жараёнидаги жисмоний машқлар ва 100 метрга тўсиқлар оша эстафетали югуриш каби шартлар бўйича ўзаро баҳслашди.

 Ғолиб жамоаларга диплом ва эсдалик совғалари топширилди.