Бугун Бойсун туман 1-сон политехникумида ЮНЕСКОнинг “Қишлоқларда ишга жойлашиш кўникмасини ошириш” лойиҳаси доирасида касб-ҳунар таълими сифатини баҳолаш ва юксалтириш бўйича ўзаро бир-бирини баҳолашга қаратилган ўрганишлар олиб борилди.

Ўрганиш давомида ЮНЕСКО ташкилоти вакиллари Томас Люкс, Камол Жиянходжаев, Олий таълим, фан ва инновациялар вазирлиги профессионал таълимни ривожлантириш институти етакчи мутахассиси Мақсуда Аманова, Сурхондарё вилоят Олий таълим, фан ва инновациялар бошқармаси етакчи мутахассиси Мансур Норқобилов, Денов Хазарбоғ агротехнологиялар техникуми директори ва ўринбосарлари, Бойсун тумани ҳокими Баҳодир Шукуров иштирок этишди.

Бунда политехникумда таълим сифатини ошириш, сифатли кадрлар тайёрлаш, иш берувчилар ва ўқувчилар билан таълим муассасасининг имкониятлари ва улар учун яратилган шароитлар ҳақида батафсил ўрганишлар олиб борилди.

Шунингдек, масъуллар ҳамкор корхоналарда бўлиб, корхона раҳбарлари ва устозлари билан суҳбатлашдилар ва яратилган шароитлар билан яқиндан танишдилар.