Бойсун туманида “Фермерлар кенгаши”нинг янги раиси сайланди

Бугун Бойсун тумани ҳокимлигида Ўзбекистон Республикаси Президентининг 2025-йил 14-февралдаги ПФ-22-сонли фармойишига мувофиқ конференция йиғилиши бўлиб ўтди.

Конференцияда ‘’Питов’’ фермер хўжалиги раҳбари Кенжаев Анвар Амирович йиғилишни очиб, муҳим масалалар муҳокамасини бошлаб берди.

Тадбирда Бойсун тумани ҳокимининг қишлоқ хўжалиги масалалари бўйича ўринбосари, қатор қишлоқ хўжалиги раҳбарлари ҳамда 40 дан ортиқ фермер хўжаликлари раҳбарларидан иборат делегатлар иштирок этди.

Конференцияда бешта асосий масала кўриб чиқилди. Уларнинг энг муҳимларидан бири Бойсун тумани фермер, деҳқон хўжаликлари ва томорқа ер эгалари кенгашининг “Фермерлар кенгаши” сифатида қайта ташкил этилиши ҳамда унга янги раҳбар сайлаш бўлди.

Конференция раиси Кенжаев Анвар Амирович янги ташкил этилган “Фермерлар кенгаши” раҳбари лавозимига бир неча йилдан бери ўзининг тажрибаси ва фидойилиги билан бу соҳани бошқариб келаётган Эркинов Азизбек Азамат ўғли номзодини илгари сурди.

Конференция қатнашчилари мазкур номзодни бир овоздан маъқуллаб, Эркинов Азизбек Азамат ўғли “Фермерлар кенгаши”нинг янги раиси этиб тайинланди.