Ўзбекистон Республикаси Вазирлар Маҳкамасининг тегишли Баёни талабларига мувофиқ, 2023-йилнинг 15-ноябр кунидан, 15-декабр кунига қадар юртимизда "Ёнғин хавфсизлиги ойлиги" ўтказилиши белгиланган.

Тадбир доирасида бугун Бойсун туман Фавқулодда вазиятлар бўлими томонидан тумандаги “Ариқусти” маҳалласида аҳоли хонадонлари ва кўп қаватли уйларда яшовчи фуқаролар иштирокида об-ҳаво ҳароратининг пасайиб бориши натижасида газ ва бошқа турдаги муқобил ёқилғи иситиш мосламаларидан фойдаланишга бўлган эҳтиёж ортиб бориши натижасида иситиш мосламаларидан нотўғри фойдаланиш оқибатида кўнгилсиз ҳодисалар содир бўлиши ҳамда инсонлар ис газидан заҳарланишини олдини олишга қаратилган профилактик тадбир ўтказилди.

Тадбир давомида мутахассислар томонидан  фуқароларга тушунтиш ишлари ҳамда тавсия ва кўрсатмалар бериб ўтилди.