Таътил кунларини мазмунли ўтказиш мақсадида бойсунлик ўқувчилар ҳам воҳамизнинг диққатга сазовор гўшалари бўйлаб саёҳат қилишмоқда.

Улар вилоятимизнинг тарихий қадамжоларини, кеча ва бугунни ўзида акс этган музейиларига, замонавий ва миллий услубда қад ростлаган бино ва иншоотларига ташриф буюришиб, улар ҳақидаги маълумотларга эга бўлишмоқда.

Туман ҳокимлиги, Республика маънавият ва маърифат маркази туман бўлинмаси, туман халқ таълими бўлими ҳамкорлигида умумтаълим мактабларида таълим олаётган ўқувчилар учун январ ойининг биринчи ўн кунлигида Ўзбекистон бўйлаб “Ёшлар туризми ҳафталиги” кўтаринки руҳда  ўтказилмоқда.