Қабулда туман ҳокими, сектор раҳбарлари, туман ҳокимининг ўринбосарлари, мутасадди ташкилот раҳбарлари ҳамда 45 нафарга яқин фуқаролар иштирок этишди.

Қабул давомида фуқаролар томонидан табиий газ тармоғига уланиш, кредит, иш билан таъминлаш, нафақа пули, модий ёрдам, тиббий хизмат кўрсатиш, кадастр ва уй жой, чорва молларни боқиш учун яйлов масаласида мурожаатлар билдирилди.

Туман ҳокими томонидан барча мурожаатлар батафсил ўрганилиб, мурожаатларнинг ижобий ҳал этилиши юзасидан чоралар белгиланди, муддат талаб этиладиган мурожаатлар жойига чиқиб ўрганилиши юзасидан кўрсатмалар бериб ўтилди.