Мамлакатимизда ёшларни спорт билан мунтазам шуғулланиши учун замонавий ва қулай шароитлар яратиш, янги спорт иншоотлари қуриш ва мавжудларини таъмирлаш, болалар спортини ривожлантириш борасида кенг кўламли ишлар амалга оширилмоқда.

Бойсун туманида Сурхондарё вилоят ҳокимлиги "Ягона буюртмачи хизмати" ДУК буюртмачилигида 2024-йил 1-мавсум Ташаббусли бюджет дасутри доирасида ижтимоий объектларида қурилиш, реконструксия ишлари олиб борилмоқда.

Бугун Бойсун туманидаги 1-5-33-сонли мактабларда замонавий сунъий чим қопламали мини футбол майдонлари қуриб фойдаланишга топширилди.

Тадбирда сўз олган нуронийлар, маҳалла фаоллари умумтаълим мактабларида замонавий сунъий қопламали спорт майдончаларининг барпо этилиши  ўқувчи ёшларни спорт билан шуғулланишлари, жисмоний тарбия дарсларини самарали ўтказишга имкон бериши ҳамда ўқувчилар замон талабларига жавоб бера оладиган муассасаларда таълим олишлари лозим эканлигини таъкидлаб ўтдилар.