Париж-2024 ёзги Олимпиада ўйинларида дзюдо бўйича бронза медали соҳиби Музаффарбек Тўрабоев Бойсун туманида тантанали кутиб олинди.

Тадбирда туман ҳокими Баҳодир Шукуров, сектор раҳбарлари, давлат ва жамоат ташкилотлари мутасаддилари, оила аъзолари ҳамда ёш спортчилар иштирок этишди.

Спортчимиз, унинг ота-онаси ва яқинлари сўзга чиқиб, Президентимизнинг спортга қаратаётган эътибори, Ватанимиз шуҳратини нуфузли мусобақаларда кенг тараннум этиш учун спортчиларга яратаётган шароитлар учун ўз миннатдорчиликларини билдирди.