Фуқаролар мурожаатини тинглаш, уларнинг муаммоларини ҳал этиш бугунги кунда ҳар бир раҳбар ходимнинг масъулиятли вазифаси ҳисобланади. Бу борада жойларда ўтказилаётган одамлар билан очиқ, самимий мулоқотлар таъсирчан механизмга айланиб улгурди.

Бугун тумандаги “Газа” маҳалла фуқаролар йиғинида туман ҳокими 1-сектор раҳбари Баҳодир Шукуров иштирокида сайёр қабул бўлиб ўтди.

Сайёр қабул давомида “Газа” маҳалласи фуқаролари томонидан тоза ичимлик суви, ички йўлларни таъмирлаш масалаларида мурожаатлар эшитилиб, мурожаатлар алоқадор масъуллар иштирокида кўриб чиқилиши ва мурожаатларни қисқа муддатларда ижобий ҳал этилиши белгиланди.