Топшириқлар ижроси амалда

Вилоят ҳокими Улуғбек Қосимовнинг Бойсун туманига ташрифи давомида марказий ва ёндош маҳаллаларнинг ижтимоий соҳа муассасаларига олиб борувчи асосий йўллари жумладан, пиёдалар йўлаклари ҳамда сув йўли ариқларида жорий тамирлаш ишлари, шунингдек, маҳаллаларнинг ички кўчаларини асфалтлаш, яроқсиз ҳолга келган электр сим устунларини янги темир бетон устунларига алмаштириш борасида топшириқлар бериб ўтилган эди.

Бугунги кунда Бойсун туманидаги Косиблар ва Ариқусти маҳаллаларида ички йўлларни асфалтлаш, яроқсиз ҳолга келиб қолган электр сим ёғочларини янги темир бетон устунларига алмаштириш ишлари олиб борилмоқда.