Ижтимоий тармоқ орқали “Enter Engineering” да ишлаймиз. Тўрт ойдирки маошни тўлиқ ололмаймиз” сарлавҳасидаги видеомурожаат юзасидан қуйидагиларни маълум қиламиз.

Маълумки Бойсун туманида фаолият олиб бораётган “Enter Engineering” компаниясида жами 5416 нафар ишчи ходимлар меҳнат фаолиятини юритиб келмоқдалар.

Ижтимоий тармоқ орқали тарқалган видеомурожаат юзасидан туман мутасаддилари ўрганиш ишлари олиб бордилар.

Ушбу ишчи-ходимларининг 2023 йил ноябрь ойи иш ҳақидан бўлган қарздорлик суммаси 14 декабрь холатига 9 млрд. 461 млн. сўмни ташкил этган.

Бугунги кун ҳолатига ишчи-ходимларнинг мазкур қарздорлик иш ҳақлари тўлаб берилганлигини маълум қиламиз.