Еттинчи чақириқ Халқ депутатлари Бойсун тумани Кенгашининг навбатдаги VII сессияси бўлиб ўтди.

Сессия кун тартибида 20 та масала кўриб чиқилди.

1. Халқ депутатлари Бойсун тумани Кенгашининг 2025-йил 28-февралдаги “2025-йилда Бойсун туманида “Зарбдор” тажрибаси асосида саноат, қишлоқ хўжалиги ҳамда хизмат кўрсатиш йўналишларида тадбиркорликни ривожлантириш ва аҳоли бандлигини таъминлашга туртки берувчи лойиҳалар ишлаб чиқиш ҳамда туманни комплекс ижтимоий-иқтисодий ривожлантириш дастури тўғрисида”ги VII-6-26-8-110-К/25-сонли қарорига ўзгартириш киритиш тўғрисида.
2. Халқ депутатлари Бойсун тумани Кенгашининг 2025-йил 17-февралдаги “Ўзбекистон Республикаси Вазирлар Маҳкамасининг 2024-йил 11-октябрдаги “Шаҳарлар ва бошқа аҳоли пунктлари кўчалари ҳамда ички хўжалик йўллари инфратузилмасини янада такомиллаштириш тўғрисида”ги 665-сонли қарорининг тумандаги ижроси ҳақида”ги VII -5-21-8-110-К/25-сонли қарорига ўзгартириш киритиш тўғрисида.
3. Ўзбекистон Республикаси Президентининг “Сурхондарё вилоятини комплекс ижтимоий-иқтисодий ривожлантириш ҳамда аҳоли турмуш даражасини яхшилаш чора-тадбирлари тўғрисида” 2024-йил 13-декабрдаги ПҚ-438-сон қарорининг тумандаги ижросини таъминлаш тўғрисида.
4. “Халқ депутатлари маҳаллий Кенгашлари томонидан депутатларни дахлсизлик ҳуқуқидан маҳрум қилишга оид масалани кўриб чиқиш тартибини янада такомиллаштириш тўғрисида”ги Ўзбекистон Республикаси Олий Мажлиси Сенати Кенгашининг 2024-йил 2-август кунидаги КҚ-791-IV-сонли қарорининг тумандаги ижроси тўғрисида.
5. “Халқ депутатлари вилоят, туман ва шаҳар Кенгашлари ҳузурида Ёшлар маслаҳат гуруҳини ташкил қилиш тўғрисида”ги Ўзбекистон Республикаси Олий Мажлиси Сенати Кенгашининг 2025-йил 26-феврал кунидаги КҚ-102-V-сонли қарорининг тумандаги ижроси тўғрисида.
6. Бойсун туманида 2025-йилнинг биринчи мавсумида жамоатчилик фикри асосида “Очиқ бюджет” ахборот порталида туман бўйича энг кўп овоз тўплаган лойиҳаларни ғолиб деб топиш ва молиялаштириш бўйича манзилли рўйхатни тасдиқлаш тўғрисида.
7. Туман тиббиёт бирлашмаси бошлиғининг 2024-йил якунига кўра туманда соғлиқни сақлашни ривожлантиришга оид давлат дастурларининг бажарилиши, касалликлар профилактикасининг ҳолати, соғлом турмуш тарзини ва тўғри овқатланишни шакллантириш, шунингдек, соғлиқни сақлашнинг асосий кўрсаткичлари юзасидан ҳисоботини эшитиш тўғрисида.
8. Ўзбекистон Республикаси Президентининг жорий йилнинг 5-март куни Коррупсияга қарши курашиш бўйича миллий Кенгашнинг “Коррупсиянинг олдини олиш бўйича ишлар натижадорлиги ва келгусидаги устувор вазифалар”га бағишлаб ўтказилган видеоселектор йиғилишидаги маърузаларидан келиб чиқиб, туманда коррупсиянинг олдини олиш бўйича ишлар натижадорлиги ва келгусидаги устувор вазифалар тўғрисида.
9. Ўзбекистон Республикаси Олий Мажлиси Сенати Кенгашининг 2024 йил 24 февралдаги “Халқ депутатлари вилоят (туман, шаҳар) Кенгашлари котибиятлари фаолиятини такомиллаштириш чора-тадбирлари тўғрисида”ги КҚ-101-V-сонли қарори ижроси тўғрисида.

Бошқа масалалар.

Кун тартибига қўйилган барча масалалар муҳокама этилиб, кўрилган масалалар юзасидан депутатлар томонидан таклиф ва мулоҳазалар эшитилди ҳамда қарорлар қабул қилинди.