Улоқ-кўпкари мусобақалари томошасига марҳамат!

“Бойсун баҳори” халқаро фолклор фестивали доирасида, эртага, 6-май куни соат 10:00 дан 16:00 гача Бойсун тумани Даштиғоз маҳалласи ҳудудидаги адирликларда муросасиз баҳсларга бой бўлган улоқ-кўпкари мусобақаси ўтказилади.

Унда юртимизнинг барча ҳудудлари ҳамда қўшни давлатлардан чавондозлар иштирок этади.

 Мусобақанинг соврин жамғармасидан 5 та туя, 5 та от, 5 та ҳўкиз, 20 та қўй, 4 та сарка ҳамда 20 та телевизор мукофотлари ўрин олган.

Чабоғонларнинг шиддатли беллашуви ҳамда отлар дупурига бой мусобақалари томошасига барча ихлосмандларни таклиф этамиз.