Барчани галаконцерт томошаларига таклиф этамиз!

Бугун, 3-май куни соат 17:00 да “Бойсун баҳори” халқаро фолклор фестивали ўтказилаётган Туризм комплексида кураш мусобақасининг эркаклар ўртасида +81 кг ва аёллар ўртасида +63 кг вазн тоифасидаги беллашувларнинг финал босқичи ҳамда тақдирлаш маросими бошланади.

Тадбирдан сўнг, соат 17:30 да комплекснинг асосий амфитеатри майдонида фолклор жамоалари иштирокидаги кўрик танлов ғолибларини тақдирлаш маросими ҳамда Ўзбекистон халқ артисти Гулсанам Мамазоитова, Ўзбекистонда хизмат кўрсатган артист Рашид Ҳаликов ва воҳамизнинг таниқли санъаткорлари иштирокида галаконцерт дастури бўлиб ўтади.

Маълумот учун, фолклор кўрик танлов ғолиблари қуйидаги пул мукофотлари билан тақдирланади:

1-ўрин учун (ҳар бир номинатсия бўйича) 3 500 АҚШ доллари;

2-ўрин учун (ҳар бир номинатсия бўйича) 2 500 АҚШ доллари;

3-ўрин учун (ҳар бир номинатсия бўйича) 1 500 АҚШ доллари.

Барча воҳадошларимиз ва фестивал меҳмонларини тақдирлаш ҳамда галаконцерт дастурлари томошасига таклиф этамиз.