Президент қарорига (ПҚ–471, 30.12.2022 й.) мувофиқ, 2023 йил 1 январдан 2026 йил 1 январга қадар давлат мактабгача таълим ташкилотларида бола таъминоти учун ота-оналар тўлови миқдорига нисбатан туманларнинг тоифасидан келиб чиқиб, қуйидаги камайтирувчи коэффициентлар қўлланади:

5-тоифадаги туманларда - 50 фоиз;

4-тоифадаги туманларда - 50 фоиз;

3-тоифадаги туманларда (шаҳар аҳоли пунктларидан ташқари) - 30 фоиз.

Эслатиб ўтамиз, жорий йилнинг 1 январидан бошлаб, Ўзбекистондаги барча — 208 та туман ва шаҳар иқтисодий аҳволидан келиб чиқиб, 5 та тоифага ажратилди. Жумладан, Сурхондарё вилоятида:

1-тоифа: Термиз шаҳри;

2-тоифа: Жарқўрғон, Термиз;

3-тоифа: Ангор, Денов, Қумқўрғон, Сариосиё;

4-тоифа: Бойсун, Музработ, Узун, Шеробод, Шўрчи;

5-тоифа: Бандихон, Қизириқ, Олтинсой.

Тоифага қараб бу туманларга солиқ имтиёзлари, субсидия ажратиш тартиби ва тадбиркорлик фаолиятини қўллаб-қувватлаш чоралари белгиланади.